කළුබෝවිටියන සභාපති පොරොන්දු ඉටුකරයි

සීමා සහිත කළුබෝවිටියන තේ කම්හල් සමාගමට අයත් තේ කර්මාන්ත ශාලාවල සේවයේ නිරත කාර්ය මණ්ඩල සාමාජිකයින්ට මාස හතරක හිඟ වැටුප් සමග 25%ක වැටුප් වර්ධකයක් ලබා දීමට එහි පාලනාධිකාරිය කටයුතු කර ඇති බව ලංකා වතු සේවා සංගමය කියා සිටියි.

සීමා සහිත කළුබෝවිටියන තේ කම්හල් සමාගමේ සභාපති අමින්ද රොද්‍රිගු මහතාගෙන් ලංකා වතු සේවා සංගමය කළ ඉල්ලීමට අනුව මෙම වැටුප් වර්ධකය ලබාගත හැකිවූ බවත් ඉදිරි දිනෙක එම සමාගම සහ ලංකා වතු සේවා සංගමය අතරේ වතු කාර්ය මණ්ඩල වැටුප් සහ සේවා කොන්දේසි තීරණය කෙරෙන සාමූහික ගිවිසුම අත්සන් කිරීමට නියමිත බවත් සංගමයේ ප්‍රධාන ලේකම් රොබට් ෆ්‍රැන්සිස් මහතා කියා සිටියි.

https://www.facebook.com/photo?fbid=722503926328153&set=a.596474555597758