ලංවසේස නායකයින්...

ලංවසේස නායකයින් පුස්සැල්ලාව වතුවල සාමාජිකයින් හමුවීමේ නිරීක්ෂණ චාරිකාව ජුනි 28, 29

  ලංකා වතු සේවා සංගමයේ සභාපති නිශාන්ත වන්නිආරච්චි මහතාගේ සංකල්පයකට අනුව දිවයින පුරා පිහිටි වතුවල නිරීක්ෂණ චාරිකා සිදුකරමින් සාමාජිකයින් මුහුණ දෙන ගැටළු හඳුනා ගැනීමේ වැඩ සටහනේ තවත් පියවරක් ඉදිරියට තබමින් ජුනි 28 සහ 29 දෙදින තුළ පුස්සැල්ලාව ප්‍රදේශයේ වතුවල නිරීක්ෂණ චාරිකාවක් සිදු කිරීමට කටයුතු සුදානම්කර ඇත.

  මේ සඳහා ලංකා වතු සේවා සංගමයේ සභාපති නිශාන්ත වන්නිආරච්චි එහි ප්‍රධාන ලේකම් රොබට් ෆ්‍රැන්සිස් යන මහත්වරුන් ඇතුළු නායකයින් සහ සංගමයේ පුස්සැල්ලාව (නාවලපිටිය) ශාඛාවේ සභාපති ඇතුළු නිලධාරීන් සහභාගි වනු ඇත.

  මේ අනුව ජුනි 28 දින සැන්කුවාර් (Sanquhar), සොගම (Sogama), රොත්චයිල්ඩ් (Rothschild), මෙල්ෆර්ට් (Melfort) නායපන (Nayapane) නිව් පීකොක් (New Peacock) වතුයායන්හි සහ ජුනි 29 දින කළුගල්ල (Kalugalla), බෝමන්ට් (Beaument), ඩෙල්ටා (Delta), ස්ටෙලන්බර්ග් (Stellenburgh), හෙල්බොඩ (Hellbodda) යන වතු යායන් හිදීද ලංකා වතු සේවා සංගමයේ නායකයින් සංගමයේ සාමාජිකයින් මුණගැසෙනු ඇත.